Thursday, December 23, 2010

Salamat sa Inyo

Isang taos pusong pasasalamat ang gusto kong sabihin sa lahat ng nagpadala ng picture greetings nila. Isa lang ang masasabi ko "kay gwagwapo at kay gaganda nyo pala". Sobrang naligayahan ako sa pinadala nyo.Gusto ko sanang i post yung mga pinadala nyo pero ang pag loloading palang isang picture sobrang tagal samahan mo pa ng bigla kang ma disconnect. Isa lang ang dahilan ng lahat ng iyon, sobrang bagal ng internet ko ngayon. Hindi naman lingid sa inyong kaalaman na lumipat kami ng bahay at dahil sa gusto ng aking minamahal na ina na magbago ng internet, gusto daw nya yung may kasamang telepono na hindi ko naman alam kung sino ang magiging katawagan nya dahil yung kaibigan nya na magiging katawagan nya e kapitbahay na namin ngayon.At iyon nga dahil sa gusto iyon ng aking ina pinaputol nya yung dati naming internet kaya ngayon wala kaming ginagamit. Hiniram ko na lang yung sun broadband ng ate ko na pa usb ang itsura. Nilolowdan ko na lang yun para may magamit ako, nagagastusan na nga ako mabagal pa yung gamit ko. Hindi na rin tuloy ako makapag download ng movies.


At iyan nga po ang dahilan ng lahat. Kapag mabilis bilis na yung net ipapakita ko sa inyo yung bigay nila sa akin. Plus yung isang regalong natanggap ko mula sa aking mahallllllllllllllllllllllllll...... ^__^


Pasensya na din kung hindi ako makabisita sa inyong bahay bahay. O pano hanggang sa muli. Kita kits sa 2011!! ^___________^

Thursday, November 11, 2010

Lipat Bahay



Naranasan nyo na ba maglipat bahay? Hindi lipat kapitbahay ah. Yung tipong panibagong bahay na naman ang titirhan nyo.


Kung ako ang inyong tatanungin isang malaking "OO" ang sagot ko. Halos lahat na yata ng apartment dito sa Bulacan e napasok ko na at alam ko na mga itsura. Sa ilang beses ba naman namin na lumipat hindi na bago sa akin yun kundi nakakapagod lang.


Sa pagkakaalam ko wala naman kami utang na tinatakasan para magpalipat lipat ng bahay. Siguro sadyang ganon lang talaga kahirap maging artista.lol


Sa pagkakatanda ko naka 11 beses na kami lumipat ng bahay at pang 12 na yung ngayon. Oo tama ang inyong nababasa kalilipat lang namin ngayon ng bahay. O diba parang wala lang magawa at lumipat na lang.


Para mas madali nyo maintindihan ang kwento ng aming paglilipat. Ilan sa dahilan kung bakit kami nalilipat ng bahay ay dahil sa mga alagad na nasa paligid namin. Like twing umuulan naglalabasan ang kampon ng mga ipis at dinudumog kami. So kadiri diba? nasa bahay ka na nga lang mag aamoy ipis ka pa. Yung isa naman masyado yata akong sikat kaya lagi ako sinusundan ni ahas. Pag nasa banyo ako aba'y naninilip, pag magsasalamin naman ako nasa likod pala ng salamin at hanggang sa pagtulog gusto pa tumabi sa akin. Overrrr ah! Hindi ka kaya pangilabutan nun pag ganon nangyari sayo? Ilan pa lang yan sa mga dahilan may pasok na ako sa school kaya hanggang dito na lang. ^_^


P.S

Yung picture greetings nyo ah. pleaseeeeeeeeee!!

Sunday, November 7, 2010

Picture Greetings



Alam na! Sa title pa lang at picture hindi nyo pa ba nahahalatang ako'y nagmamakaawa na bigyan nyo ako ng "picture greetings" para sa nalalapit kong ika 18th na kaarawan.lol Ok fine magsasabi na ako ng totoo magbigay lang kayo.


Sa December 06 goodbye and hello ang drama ko. Goodbye sa line of 1 and hello na sa line of 2 meaning mag 20 na ako.


May isang buwan pa naman bago ako mag birthday sadyang excited lang talaga ako na manghingi. Alam nyo kasi hindi pa ako nakakatanggap ng ganong bagay sa birthday ko kaya im so excited na!!!!


Kaya dali na padala na kayo. Isend nyo lang po sa iamdarklady@yahoo.com. Ang deadline ay December 01,2010. Bakit sa december 01 na? e kasi gusto ko bakit ba!! ^_____^ I love you all!! (wink)

Thursday, November 4, 2010

Award! Award! Award!

Namahinga ako ng ilang linggo sa aking bahay ( blog) at hindi ko inaasahan na makakatanggap pa ako ng award. Na touch naman ako ^_^ Salamat kay Ben.



Ito yung magandang award na katulad ko na natanggap ko. At nais ko rin itong i share sa iba pang magaganda at nag ggwapuhang bloggers. Heto na po sila...


Drake (pogi daw)
-Isa sa mga kuya ko dito sa blogsphere at iniidolo ko sa kanyang natatanging talento sa pagsusulat.

Glentot
- Cool at magaling na blogger.

Jepoy
- Seryosong blogger daw, yun sabi nya pero pag binasa mo ang kanyang mga post talagang mapapasaya ka nya at makukumpleto ang araw mo.

Roanne
- Magaling at magandang blogger. Sa mga post nya madami ka talagang matututunan.

Jam
-Ang ate jam ko na minsang nag eemo emo sa kanyang blog. ^_^

Saul
-Isa sa mga naging ka close kong blogger.

Rah
-Dumudugo ilong ko sa mga post nyang english pero madami ka naman matututunan.

Kikilabotz
-Ang kilabot ng mga chiks, naks! Sya ay cute daw. hehe. Napakatalentadong bata!

Poy
-Si kuya na napaka emo at sweet

Kayedee
-Ang aking kumare sa blogsphere. Makulit at sweet!

Midnight Driver
-Ang driver na magaling gumawa ng tula. idol!

Superjaid
-Chef jaid, ang matalinong blogger.

Nafa
-Makulit at cool na blogger

Unni
-Makulit ang post about sa love.Minsan seryoso sya sa post nya pero mapapangiti ka sa mga mababasa mo.

Jag
-Talentadong blogger.Kaya crush ko na sya.hehehehe

Wednesday, November 3, 2010

Sembreak

Ang sarap humiga...


Ang sarap kumain...


Ang sarap matulog...


Matapos ang nakakapagod,nakaka stress at nakakalokang sem. Heto at nagpapahinga na ako.



Gawa ng project, luto dito luto doon ( kasama na ang kain dito at kain doon), pag aayos ng sunod sunod na event, practice for competition at pagrereview sa exam. Yan ang ginawa ko sa isang sem. May isa pa pala ang magpa cute sa lahat ng tao.lol


Dahil nga sa sembreak gusto ko sanang bigyan ng isang magandang break ang sarili ko.Gusto ko mamasyal,magpunta sa malayong malayong lugar kung saan makakalanghap ako ng sariwang pagkain este hangin. Pero ang na break e ang bulsa ko so wala akong magagawa kundi mag stay sa bahay. At tumanggap ng text mula sa mababait kong klasmeyt na gawin ko ng pagkakataon ang bakasyon para mag diet.


Isang linggo lang ang bakasyon namin so mag emo na lang ako, magkulong sa kwarto maghapon at wag kumain hanggang sa sumeksi ako.lol Mananalo makikipagpustahan na hindi ko magagawa ang mga ganong bagay.


Hays!! gusto ko talaga mamasyal! tara pasyal tayo!! ^_^ Mamamasyal na lang ako sa bahay bahay nyo ( blog).

Sunday, October 3, 2010

Dark Lady Nasan ka na?

Omaygad!! Halos isang buwan na din pala ang nakakaraan mula nung ako'y biglaang nakatulog at nawala sa aking bahay (blog).



Saan nga ba ako nagpunta?



Okey payn kung wapakels ka kung saang lungga ako nagpunta paki click na lang po ang x button at ika'y mag tsupi na sa aking bahay.(supladita ang dark nyo) hehehe



Nainitan lang naman ako kaya nagpunta ako ng baguio at nung di ako makuntento sa lamig ng baguio nag bora ako pagkaraa'y nag puerto galera pero di pa rin ako nakuntento kaya nag disneyland na lang ako..... at lahat ng iyan ay sa aking panaginip lang.



Actually naging busy busyhan lang ako sa aking makulay na buhay. As usual sa school ulit naging busy sunod sunod kasi yung mga activities plus exam pa.At dahil dun bumigay ang aking pagkaganda gandang katawan at ako'y nagkasakit. O diba ang saya ng pagkawala ko? Pero sa kabuuan at kaseryosohan kahit papaano ay naging maganda yung isang buwan ko. Masaya ako dahil naging busy ako kasi nitong pumatak na ang "ber" ay nagsimula na akong mag emo, ang dahilan ay sikretong malupit na lang.



O hanggang dito na lang muna ulit. Babush! babush!!! ^_^

Saturday, August 28, 2010

Tagumpay para sa Lahat

August 27, 2010
Mula Bulacan nagbyahe kami patungo sa main branch ng school namin sa Quezon City, kung saan gaganapin ang iba't ibang klase ng paligsahan. Bawat branch ay may kanya kanyang kalahok para sa paligsahan ng malikhaing pagbasa, sanaysay, sayawan at sa pagluluto (Adobong Pinoy). Kung nagtataka kayo kung bakit adobo ang kailangan lutuin ito ay sa kadahilanang ang ipinagdiriwang natin sa buwan na ito ay ang Araw ng Wika kaya Pinoy na Pinoy ang pagkain.




Sa ayaw at sa gusto nyo kasali ako sa paligsahan ng pagluluto. Unang beses namin sasali sa competition na sa ibang lugar gaganapin at hindi namin kilala ang mga kalahok kaya abot ang kaba namin at todo ang praktis. Sa totoo lang mula nung magkaroon ng elimination nung Monday ( August 23, 2010) hanggang nung gabi bago ang paligsahan nagpapraktis kami kaya sawa na kami sa adobo. Namayat na nga ako e, promise!






Hindi pa man nagsisimula ang competition madami na nagtetext na mga klasmeyt namin at iba pang HM students kung ano balita maging ang prof. namin nagtatanong. Todo suporta silang lahat kahit hindi namin sila kasama.





Bandang ala una ng hapon nagsimula na ang kompetisyon. Sa una nagiging tarantado ( tawag sa taong natataranta) kami dahil sa kaba pero nung medyo tumagal na para na lang kami nasa sarili naming kitchen at panatag na. Todo suporta din ang chef namin kaya naman ganado kami sa pagluluto na may ngiti pa sa labi, 30 mins. bago matapos ang ibinigay na oras ay natapos na kami. Masaya kami dahil sa nagawa namin ito ng maayos. At nung magsimula nang tikman ng mga judges ang adobo ng lahat kinabahan ulit ako.


Bago ko sabihin ang resulta, ipakita ko muna yung picture ng pinanalo namin nung elimination.




At para naman po sa picture na ginawa namin kahapon...



At ang resulta ng kompetisyon....



Ako yung may hawak ng french fries at hamburger. Hindi pa kami nag lulunch kaya sobra gutom ko nun, wa poise na sa pagkain pero sulit lahat ng paghihirap namin. Unang beses pala na sumali ng branch namin sa kompetisyon sa pagluluto at isang malaking kagalakan na nanalo kami. Bukod dun nanalo din ang branch namin sa malikhaing pagbasa at sa sayaw kaya umuwi kaming lahat na may ngiti sa labi.
Para sa lahat ng sumuporta sa akin kahit hindi nyo pa naman talaga ako nakikita Maraming Maraming Salamat! Hindi namin magagawa ang lahat ng ito kung hindi dahil sa tulong ng bawat isa, turo ng mga prof. namin, suporta ng mga nagmamahal sa amin at sa inspirasyon namin at syempre kay God na binigyan kami ng pagkakataon sa bagay na ito. ^_^
Basta ang paalala sa bawat tagumpay na nakakamit " Huwag sana lumaki ang ulo"
Dahil tapos na ang midterm exam at competition magpapahinga muna si Dark at babawi sa pagkain dahil sumobra naman pagka sexy.lol








Monday, August 23, 2010

Cooking Battle



Kahapon ( Sunday)napagpasyahan namin ng klasmeyt ko na sumali sa isang kompetisyon sa pagluluto. Ang mananalo sa paligsahang iyon ay ang magiging representative ng school para makipaglaban sa ibang branch na gaganapin sa Quezon City.




Sumali ako hindi dahil sa magaling ako kundi dahil sa gusto ko masubukan na sumali sa ganoong paligsahan. Sa totoo lang wala akong kagaling galing sa pagluluto kaya tawanan yung mga sinabihan ko na sasali ako. Sadyang makapal lang mukha ko sa pagsali.At kanina ginanap ang paligsahan,kabado kami ng partner ko dahil eksperimento yung gagawin namin. At nung magsimula na ang oras ng pagtutuos gora na kami sa paghahanda. Sa unang tikim maasim, kaya sige lagay kami ng lagay ng sangkap para umayos na ang lasa. At sa huli boom! ok na nakuha na namin ang lasa pero hindi pa rin kami kampante na kami ang mananalo dahil 4 kaming grupo na naglalaban laban kaya posibleng isa dun ay ang pinakamasarap.




Makalipas ang ilang minuto lumabas na ang resulta. At para sa ikaiikli ng kwento ko dahil may gagawin pa pala ako. Ang resulta ay "Yehey!! kami ang nanalo!!!!" Sobrang lundag ako nung malaman ko yun, hindi ko akalain na kami pa ang mananalo. Kaya sa friday pupunta kami sa Quezon City para lumaban. Weeeeh!! Goodluck sa amin! ^_^





Ano ang niluto namin?




Ang special adobo!! hehehe. Ang kailangan lutuin ay adobo, pasarapan ng lasa at pagandahan ng nagluto ( walang kokontra, pagbigyan na masaya naman ako) Naglagay lang kami ng sikretong malupit na ingredient kaya siguro medyo nakalamang kami. Ang sikreto.....kindatan ang judge! ahahahaha...





Nagpapasalamat nga din pala ako kina Kuya Drake na nagsabing pampasarap ang pagmamarinade at kay Arnz na sinabing ang kailangan ay ang puso sa pagluluto para maging masarap ito ng bonggang bongga. Pati na rin sa pinoyfoodblog.com na isa sa post nya ay nabasa ko at nakakuha ako ng bonggang bonggang ideya.
"Hindi lang galing ang kinakailangan sa pagkapanalo kundi determinasyon at pagmamahal sa kanyang ginagawa."

Friday, August 20, 2010

Alam mo na ba?





Na ang word na tarantado ay hindi mura. Ayon sa prof. ng prof. namin iyon daw ay isang katawagan para sa mga taong natataranta. Kaya kung may mga tao kang kilala na palaging natataranta sabihin mo "Hoy huwag ka nga magpaka tarantado". Ingat lang sa mga pagsasabihan mo na hindi pa alam ang ibig sabihin nun baka may bumigwas na sampal o suntok sayo.









At alam nyo din ba na ang paglalagay ng bigkis sa mga baby ay para din sa kanilang future na angking alindog ng katawan (what the word! lol) Pansin nyo ba na may matataba pero sexy tingnan at meron din naman na di gaanong katabaan pero ala 1.5 ng coke tingnan. Dahil pala yun sa mahiwagang bigkis na inilalagay sa pusod ng mga sanggol. Ang paglalagay ng bigkis ay nakaliliit ng bewang at syempre makikita mo lang ito sa paglaki ng bata. Kung maganda ang korte ng kanyang katawan yung tipong may kurba pa ibig sabihin nun matagal sya binigkisan ng kanyang ina. Kaya pala kahit anong pagpapapayat gawin ko iisa pa rin korte ko at iisa lang sukat ng bewang ko. shete! Kung pwede lang ihabol at bigkisan ko sarili ko gagawin ko na kaso dapat pala nung sanggol pa ako. Hays! ang aking ina kasi e.kung binigkisan nya ako ng matagal e di sana ala Thalia na ang aking katawan. ^_^






Yan lang muna Shinare ko lang din ang aking napag alaman. Ako kasi ngayon ko lang yan nalaman. O pano hanggang dito na lang muna. Mag midterm muna si Dark. Ingat kayo! ^_^

Friday, August 13, 2010

Ang Muling Pagkikita



Kanina nakatanggap ako ng text na mula sa kaibigan kong mag 2 years ko na hindi nakikita. Nung basahin ko yung text napabulalas ako ng "shete! galit na yung friend ko." Bakit? Kasi nakikipagkita sya sa akin at hindi man lang daw ako nag rereply, ang sabi nya pag daw makikipagkita sya ayaw ko magreply, kuripot daw ako! yun ang mga sinabi nya. Kaya reply naman ako. Pinaliwanag ko kung bakit di ako naka reply, nasa taas kasi yung cp ko dahil walang signal sa baba bundok yata tinitirhan namin kaya di ko kaagad nabasa yung text nya. Tinanong ko kung anong oras kami magkita. Maya maya hindi na rin sya nag reply, tinatawagan ko sya ayaw sagutin. E di ako naman nagalit tinanong ko ano ba problema nya. Pagkatapos ng 10 miskol hayun nag reply." Nasa sasakyan ako hindi ko narinig". Shete gumaganti yata.



Hindi ko na sya inaway pa dahil magkakaroon ng gyera. Kaya hayun pinag usapan namin kung anong oras kami magkikita at kung saan. Sabi nya papunta na sya Pulilan kaya sa Robinson na lang kami magkita, after 30 mins. nandun na daw sya. At isa pang shete dahil hindi pa ako nakakapag ayos. Kaya nag reply ako " pwede bang maligo muna?" kaya dali dali ako naligo. At para sa ika iikli ng kwento, nakarating naman ako dun sa meeting place namin nauna nga lang sya ng konti pero ayos lang lalake naman sya alangan na ako ang maghintay.



Pagkatapos nun naglibot libot lang kami at kumain. Then nagpunta kami sa bahay namin, sumakay kami ng tricycle P40 ba naman ang sinisingil sabi ko P30 lang, tapos kinalabit ako ng kaibigan ko sabi P10 lang makikipag away ako sagot ko sa kanya sayang din yung P10 sira! At syempre nanalo ako.Pagdating sa bahay pinagluto ko sya ng pancit. Tinatanong ko sya kung ano gusto nya kainin pero isa pang "shete" hindi ko alam lutuin pinaluluto nya. Sabi ko mag fried chicken na lang sya.lol



Matapos ko sya ipagluto ng pancit hayun kumain na sya at kwentuhan ulit. Tapos nun pinalayas ko na sya kasi may kaibigan pa din sya na pupuntahan, sabi ko hindi pinaghihintay ang babae. Babaero talaga! lol Pagkalayas nya sa bahay namin nagtext kaagad sya. "Thanks ah sarap mo pala magluto ng pancit." Siraulo yun, masarap daw e konti lang kinain nya lolokohin pa nya ako.lol Rason pa nya konti lang talaga sya kumain pero sanay na ako dun. Sadyang loko loko lang yun pero yun ang kaibigan ko na sumasalo sa mga kaartehan ko sa buhay.^_^

Tuesday, August 10, 2010

Hanggang Panaginip ba naman?

Kahapon naging busy na naman si Dark. Every tuesday may laboratory kami (nagluluto). Nakakapagod ay hindi sobrang nakakapagod pala, 5hrs kaming nakatayo at nag reready ng iluluto. Ang menu namin ay Hawaiian BBq Porkchops with Vegetable Spiced Rice and Coleslaw saka Cajun Fish Fillet with Chili Lime Aioli. Yung pagod namin super sulit din naman dahil bukod sa nakakakain kami nandun na din yung bonding ng bawat group at may natututunan pa. Idagdag mo pa yung gwapong chef namin,busog na busog ka na.




At dahil nga sa sobrang pagod ko bago ako umuwi bumili muna ako ng C2. Everytime na uuwi ako at pagod dumadaan ako at bumibili sa savemore na katabi lang ng school namin. Kaya pag may nakita kang babaeng umiinom ng C2 sa jeep ako na yun. (parang ako lang nag c'C2 noh)



Past 7pm na ako nakauwi samin. At syempre hindi muna ako bumulagta kasi nag check pa ako ng fb ko tapos makikinig sana ako sa youtube ng nakaka senting kanta, mag eemo kasi ako pero na bwisit lang ako paputol putol yung kanta. Parang stop dance ba? hays! kaya ayun pahinga na lang ako then naligo na ako.


Kumain...

Pumanik na sa taas dahil may babasahin pa ako

At natulog...



Sa pagtulog ko akala ko makakapamahinga ako. Ay sus hanggang sa panaginip ko nagluluto pa din ako. Akala ko pa naman mapapanaginipan ko yung labidabidabidabz ko. At sa kalagitnaan ng gabi nagising ako dahil pinulikat ako sa binti. At nung ituloy ko pagtulog ko tuloy din pagluluto ko sa panaginip.



Sabi ng prof. namin sa psychology dalawa lang ang dahilan para mapanaginipan natin ang isang bagay. Una, yung bagay na gustong gusto mong mangyari at yung pangalawa yung bagay na ayaw na ayaw mo naman mangyari.



Diba ang sabi din nila pag inisip mo ang isang tao bago ka matulog sya mapapanaginipan mo pero hindi ka ba nagugulat pag hindi mo naman naisip yung isang tao pero napanaginipan mo that night? Nangyayari yun dahil sa minsan na syang pumasok sa isip mo at naiwan dun kaya napanaginipan mo sya kahit hindi mo sya inisip nung gabi na yun.



Yun lang naman mga friendship, hanggang dito na lang muna ulit.
Ingat kayong lahat!! ^_^

Saturday, August 7, 2010

Ano pinagkaiba natin?


Pareho tayong ginawa ng ama't ina natin hindi nga lang malaman kung ilang gabi. Kinarga sa loob ng tyan at iniluwal, pinutulan ng pusod at nilampinan. Uminom ng gatas, milo, kape o sabaw ng sinaing para mabuhay. Nagsanay gumapang, umupo, tumayo at magsalita. Pareho na din natin naramdaman ang maging malungkot at maging masaya.


Isang daan lang tinatahak natin, ang patuloy na mabuhay sa mundong ibabaw para maging makulay ang buhay tulad ng sinabawang gulay. Isa lang pinagkaiba natin, yun ay kung saan ka pinalaki at kung ano ang mga materyal na bagay ang binigay sayo. Mas maswerte ka lang sa akin.




Ako pinalaki sa isang simpleng pamilya. Natutong paghirapan ang mga bagay na gusto ko samantalang ikaw nandyan na sa iyong harapan ang lahat ng bagay na gusto mo.




Tao ka, Tao rin ako....




- Batang Kalye





* Hindi sila iba sa atin, nangangailangan din sila ng hangin, tirahan, pagkain, tubig, edukasyon at higit sa lahat pagmamahal at respeto bilang tao.

Saturday, July 31, 2010

Mabilisang entry! Pang update lang ba!

Pasensya na sa mga hindi ko nabibisita at sa mga bumibisita naman pasensya na din kung wala kayong mabasang bago. Dark na Dark ang blog ko ngayon dahil hindi ako makapag update. Busy lang talaga at minsan naman dinarayo ng katamaran dahil pagod. Pag nanumbalik ulit ang powers ko gogora ako ng pagkkwento pero sa ngayon eto lang muna. 4 hrs. pa lang tulog ko kanina tapos kulang 12 hrs. na nakatayo sa pagluluto. Sana pwedeng maupo.lol. At ngayon ang gusto kong gawin ay mahiga at matulog ng mahimbing na mahimbing pero yung may gisingan naman.




O pano hanggang dito na lang muna. Sabi sayo mabilis lang to, mabilis pa sa pagtae mo. Babush!! ^_^ Zzzzzzzzzzz.............

Saturday, July 17, 2010

Don't Judge the Book by its Cover




Pasong paso na yung kasabihang " Dont judge the book by its cover" diba? Pero kahit paso na yan hindi ko pa rin lulubayang sabihin yan ng paulit ulit dahil super totoo yan. Kung iisipin mong mabuti ang kahulugan nyan mapapa oo ka na lang.




Hindi ako namimili ng makakasama o makakasalamuhang tao. Ke gwapo o hindi, ke maganda o panget ayos lang sakin.



Sa 19 years kong paglagi dito sa planetang earth hindi lahat ng kaibigan ko, kakilala ko ay magaganda at gwapo.



May klasmeyt ako nung highschool na hindi talaga gwapo, kung titingnan mo sya wala lang. Pero one time nakasama namin sya sa paggawa ng project at ang masasabi ko ang bait nya at gentleman pa. Hindi nya hinayaan na maglakad sa dilim kaming mga babae hinatid pa nila kami sa sakayan.



May naging klasmeyt din ako sa college na wala sa itsura ang gagawa ng matino yung tipong pag nakita mo sasabihin mo pang "gago yan" pero ako ang magpapatunay na gago man yan sa itsura, hindi ka naman nyan gagaguhin sa tunay na buhay. Sya yung naging ka close ko noon at pag wala talaga ako kahit pampa xerox para sa pag aaralan namin sya nagpapahiram sa akin.



Madami pa ako kilala na masasabing hindi titilian ng mga lalake at babae. Pero kapag nakasama mo sila safe ka naman.



Sa pagpili ng kaibigan hindi mo dapat tingnan ang panlabas na anyo kundi yung kung paano sila makisama at kung paano ka irespeto bilang tao. Hindi mo rin dapat i judge ang isang tao na ang nakikita mo lang ay ang kanilang mukha. Dahil kung hindi man sila biniyayaan ng magandang mukha hindi na nila kasalanan yun. Hindi sila ang gumawa ng ganon para sa sarili nila.At lahat ng mukhang nakikita mo sa kapaligiran ay may dahilan kung bakit nagkaganon kaya "Dont judge the book by its cover" ^_^



Hanggang dito lang po muna. Hay sa wakas nakapag update din ako. Nilangaw na tong blog ko ah.hehehe. Salamat po sa mga patuloy na dumadalaw dito,busy lang talaga si Dark. Hanggang sa muli!! ^_^

Saturday, July 3, 2010

May Pinapanigan, May Pinoprotektahan, Hindi kayo nagseserbisyo ng totoo!!



Palakasan ba to?



Pagandahan ba to?



Napaka unfair nyo naman!!!



Simple lang naman problema ko kumpara sa iba.



Ang problema ko hindi ko kaagad nakuha ang i.d ko. Dahil hindi ko pa ibinabalik yung old i.d ko. Ayos lang naman yun dahil kasalanan ko din diba? Hindi ko makita old i.d ko kaya hindi ko rin makuha yung bago. Kaso kayo kaya na malaman nyo na may iba na nakuha ang new i.d kahit walang binibigay na old i.d, matutuwa kayo? Napaka unfair!! Porke't maganda lang yung babae ok lang na wala sya isoli?



Linawin ko lang, hindi ako na iinsecure sa kanya kasi may mukha naman ako ( oh kokontra pa, pagbigyan na ang hindi nakakuha ng i.d) Talagang naiinis lang ako sa hindi nila pagiging patas.

"Kung hindi natin sisimulan sa sarili natin ang pagbabago, paano pa ang ibang nakatataas?"
Sa simple/ maliit na bagay nagsisimula ang lahat. Kaya sana sa simpleng bagay matutunan din nila sumunod para matuto din sumunod ang iba.
Note: Nakuha ko na yung bago kong i.d ^_^

Wednesday, June 30, 2010

Muling Paglipad Para sa Pangarap

Bakit may mga taong kayang isaalang alang ang panahon na makapiling ang kanyang pamilya para sa pagpunta sa ibang bansa?
Bakit handa silang igugol ang kanilang buong oras sa pagtatrabaho sa bansang walang nakakakilala sa kanila?
Bakit mas gusto pa nila na bumalik sa ibang bansa kung nandito lang din sa Pilipinas ang mga taong minamahal nila?
Dahil iyon sa "Pangarap"
Pangarap hindi lamang sa sarili kundi maging para sa kanilang pamilya.
Hindi lang basta hirap sa trabaho ang puhunan ng ating mga kababayan sa ibang bansa kundi pangungulila din sa kanilang mga pamilya. Bawat oras at araw na dumaan ay importante sa kanila sapagka't sa paglipas ng panahon nasasabik sila na muling bumalik sa piling ng kanilang pamilya.
Kaninang umaga bumalik muli sa Oman ang kuya ko para magtrabaho. Matapos ang isang buwan niyang bakasyon muli siyang magtatrabaho para sa mga gastusin at sa pag aaral namin ng kapatid ko. Ramdam ko na nalulungkot sya sa muli nyang pag alis pero walang magagawa dahil nasa ibang bansa ang naghihintay na trabaho nya. Kaya kuya salamat!!! Darating din ang araw na makakatulong ako sayo at makakabawi sa lahat ng tulong na ginawa mo.
Kaya para sa mga taong nagtatrabaho para sa kanilang pamilya lalo na sa mga taong malayo sa kanilang minamahal saludo ako sa inyo.

Thursday, June 24, 2010

Ingay sa Gabi



Sabi nga nila "Huwag ka magsasalita ng tapos hangga't hindi mo pa nasusubukan"
Nung 1st year highschool ako may tinanong yung prof. namin. Isang matinding tanong na kung ikaw ay isang bait baitang bata ay sasagutin mo ng may kabaitan at pagpapasensya.
Heto ang tanong:
"Kung ang asawa mo ay naghihilik ano ang gagawin mo?"
At ako naman si seryoso, sumagot kaagad ako sa tanong.
Pasahan ng papel.
Binasa ni ma'am yung mga sagot.
Pumili ng isa.
At ang napili ay ang papel ko.
"Kung naghihilik ang asawa ko hindi ko siya hihiwalayan dahil hilik lang naman yun, simpleng dahilan yun para hiwalayan ko sya. Iisipin ko na lang na music yun para makatulog ako."
Tawanan sa klase kaya si ako naman pinagtanggol ko sagot ko . At walang kadala dala na inulit ko dahil talagang pinaninindigan ko na tama yung sagot ko.
At ngayon kinakain ko na yata sinabi ko.
Ilang linggo ko na katabi ang bunso kong kapatid na lalake sa higaan at talaga naman na ang lakas lakas nya mag hilik. Nakakairitang marinig ang sakit sakit sa tenga kaya kapag nagigising ako ng madaling araw talaga sinisipa ko sya palayo sa akin. Minsan pa nga sa sobrang inis ko hinahawakan ko ilong nya saka ako pipisilin para tumahimik pero dahil sa masama yun at baka mapatay ko pa sya sipa na lang. Ang bait kong kapatid noh.
Ayon sa nabasa ko hindi lang yung naghihilik ang pwedeng magkaroon ng sakit maging ang nakakarinig ng hilik ay nagkakaroon din ng problema,mas madaling na sstress ang taong katabi ng hilikers at nakakabawas din daw ito sa buhay nya.
Kaya kapag ang katabi nyo ay naghihilik sipain nyo din. jokla lang!! Ayon ulit sa nasagap kong balita itagilid mo daw yun naghihilik huwag mo sya pabayaan na nakatihaya.
Hanggang dito na lang muna kasi antok na ako. At naririnig ko na naman ang hilik ng kapatid ko. Patulugin sana ako ng mahimbing.hayss.........babush!! Goodnight!!! ^_^

Saturday, June 19, 2010

Ang Paglalayas ni Bulig

Kaninang umaga bumili ng bulig sa tapat ng bahay namin ang mahal kong Ina. Matagal na din kami hindi nakakakain ng bulig dahil wala naman mahilig. Balak ng aking Ina na ihawin ito kaya inilagay nya muna ito sa isang lalagyan. Masyadong malikot si Bulig kaya inilipat siya ng lalagyan at inilagay sa labas.


Makalipas ang ilang oras lumabas ang bunso kong kapatid para umihi sa labas. ( Bakit ganon mga lalake mas gusto pa umihi sa labas e may c.r naman?) At nung tingnan nya si bulig nawawala na ito,labas kaming lahat at hinanap ang pang tanghalian ngunit hindi namin talaga ito makita. Inisip namin na baka nakuha ng pusa. Kaya lumong lumo na pumasok ng loob ang aking Ina. Iniisip pa naman daw nya na masarap kumain ng bulig habang mainit, at dahil wala na yung bulig wala na kami ulam.


Wala na kaming nagawa kundi tanggapin na wala na si Bulig kaya yung mga kapatid ko pinagpatuloy na ang pag cocomputer, si mommy naman natulog na.


Lumipas ang isang oras, naghahanda na ako sa pagpasok ko sa school. At habang nagsusuklay ako tahol ng tahol ang aso namin kaya nilabas ko. Pag tingin ko sa labas nakita ko si Bulig at maduming madumi na halatang nagpa gulong gulong sa labas. Hiyaw naman ako " heto na si bulig". Labas ulit lahat ng tao sa bahay at si mommy kinuha ang lalagyanan at muling hinuli si Bulig. Paglagay sa kanya sa lalagyanan muling nagwala si bulig at kumawala.


Dun namin napatunayan na hindi nga sya kinidnap ni muning kundi kusa siyang naglayas. Hindi ko na nalaman ang dahilan dahil iniihaw na sya. At yun na naging katapusan ng buhay nya.


Sayang nga lang at hindi ko na natikman ang alindog ni bulig dahil pumasok na ako sa eskwelahan nung sya'y iniihaw na.

Thursday, June 17, 2010

Lalakeng Uy! Ay!


Balik eskwela na naman lahat ng estudyante,bagong gamit at bagong damit na din. Marahil ang mga unang pumasok sa highschool at college ay excited dahil magkakaroon sila ng bagong kakilala. Hindi tulad ng sa amin alam na yung pagmumukha ng bawat isa ang makikita kaya hindi mga excited. At mukhang naliligaw na ako sa topic.



Sa mga first year college ito nangyayari ang magsuot muna ng sibilyan habang walang uniform.At syempre para sa mga fashionista, hilig magsibilyan at may maraming damit pabor na pabor ito. Iba't ibang klaseng porma ang makikita mo sa daan, may ilan na aakalain mong pupunta lang ng palengke dahil naka tsinelas pero mamamalayan mo na same lang kayo ng door na papasukan dahil nag aaral pala sya. May ilan naman na todo porma, tipong mapapatingin ka dahil sa agaw pansin nyang suot, kung hindi kinulang sa tela ang damit yung pantalon naman na may design na punit. At syempre may ilan naman na simple lang tipong pantalon, blouse at sapatos/doll shoes.



Hindi naman masamang pumorma, kaya lang may mga kailangan na damit na dapat isuot sa isang lugar. Minsan din kasi dahil sa damit mo nababawas pogi / ganda points mo. Katulad nung nangyari nung 1st day ng klase.



Dahil sa wala pa kaming prof. pa gala gala kaming 8 magkakaklase. May mga nakakasalubong kaming 1st year college. At yung isa kong kaklase nakakita ng isang gwapong estudyante. "Uy ang gwapo nya! At naka black pa na t-shirt!! astig!!" with kisap kisap mata pa nang biglang pagtingin nya sa baba. " Ay jejemon pala! Orange ang pants" Waley ang pogi points!!
At ngayon tuwing makikita nila si Uy ay natatawa sila. Naalala ang orange na pants.
Moral lesson:
Wag magsusuot ng orange na pants para hindi mawala pogi points.

Monday, June 14, 2010

Natitira kong Isang Araw


Mali ang iniisip nyo na aalis na ako sa pag ba blog at mas lalong mali din na ako'y ma dededz na. Marami pa akong gustong gawin sa buhay ko at marami pa akong hindi na eexperience. At masama akong tao. Oo dahil hindi ako masamang damo tao ako tao! ( so corny)
Dapat noon pa to kaso dahil sa aking kaeng engan hindi ko man lang naitanong kung dapat ba i blog to or kung hindi ko man naitanong at nakalagay to sa message e hindi ko napansin or naintindihan sorry naman.
Ito po ay ang assignment namin kay Kuya Poy. At ngayon ay nag ccheck na sya so dapat na ipost. ^_^
Kung!! (kung lang naman ah) Kung may isang araw na lang na nalalabi sa aking makulay na life na sinabawan pa ng gulay ano ang gagawin or paano ko ito iispend?
At heto na po ang aking listahan.
  1. Kumain sa iba't ibang kainan, yung tipong nasa gitna ng dagat yung resto o kaya nasa ibabaw ng bridge.hehe basta yung may gimik, yung tipong ganon yun na yun.
  2. Makapanood ng concert ng Westlife at makapagpa picture kay Shane Steven Filan my love so sweet.
  3. Makapamasyal sa iba't ibang place na dehins ko pa nararating.
  4. Makapag beach, pwede na ako umitim nun. Ay parang pangit pa din kasi baka ilibing ako na maitim...hmmm.gamit na lang ako ng sunblock.
  5. Maging isang modelo.
  6. Magkaroon ng anak, pwede ba yun sa isang araw lang?hehehe so imposible naman!
  7. Makapag simula ng business na maipagpapatuloy ng aking mga mahal sa buhay para kahit deds na ako hindi sila mahirapan.

Pero dahil sa malabo mangyari yun sa loob ng isang araw lang, mas pasimplehin ko na lang. Pero bonggang bonggang saya naman pag nangyari to.

Hahatiin ko ang isang araw. Gusto ko sa kalahating araw magkakasama kaming pamilya ko, boyfriend ko, pamilya nya at mga kaibigan namin parang party lang. At sa kalahating araw gusto ko i spend yun sa boyfriend ko, solo na namin kumbaga. Gusto ko kasama ko sya kumain kahit sa carenderia lang, mamasyal kahit sa kalye lang, manood ng movie kahit sa dvd lang. Gusto ko sya ipagluto ng mga pagkaing gusto nya at kantahan sya kasi pagkakataon ko na yun para hindi sya umangal sa boses ko.hahahaha. yun lang naman! bow! ^_^

Saturday, June 12, 2010

Daddy 1 and Daddy 2


Mula sa pagiging isang sanggol heto na ako isa nang dalaga! Sa 19 years na paglagi ko dito sa planetang earth dalawang ama ang naging super hero sa akin.
Si Daddy 1
  • Nagturo sa akin kung paano mag drawing ( nagsimula ako sa pagdrawing ng bahay kubo na may malawak na taniman)
  • Tagapagtanggol ko kapag pinapalo ako ni mommy.
  • Tagapag alaga sa akin kapag may sakit ako at wala si mommy para bantayan ako.
  • Bumibili sa akin ng isang buong egg pie kapag sumusweldo sya sa pagiging isang construction worker nya.
  • Tagapag hatid sa akin sa eskwelahan gamit ang kanyang bike noong mag grade 2 na ako.
  • Sumbungan ko kapag hindi ako nanalo bilang muse.
  • Humahalili kay mommy para umakyat sa stage, umatend ng P.T.A meeting.

Mga pangyayaring akala ko wala ng katapusan, sa kanya hindi ko naranasan mapalo. Lahat ng gusto ko binibigay nya kaya hindi naging madali para sa akin noong maghiwalay sila ni mommy. Madaming nabago sa pag sasamahan namin. Ang isang daddy na sumbungan ko ng lahat ngayon hindi na, napipi na ako. Isang tanong isang sagot na lang kung mag usap kami. Pakiramdam ko malayong malayo na kami. Sobrang layo. Gayunpaman nagpapasalamat pa rin ako sa kanya dahil naging isang mabuting ama sya. Alam ko kahit magkalayo kami kapag nangailangan kami ng tulong hindi sya magdadalawang isip na tumulong.

Si Daddy 2

  • Sya ang nagsilbing pangalawa kong ama.
  • Hindi nya kami tinuring na iba.
  • Pinag aral nya kaming magkakapatid.
  • Pag kailangan namin ng tulong handa syang gawin ang lahat.
  • Sa kanya ko lang nakita kung gaano kasaya si mommy.

Hindi kami close na tulad ng daddy ko noon pero kahit ganoon sobra akong nagpapasalamat sa lahat ng bagay na tinulong nya sa amin. Isang amang nagmahal kahit sa hindi nya tunay na mga anak.

Para sa dalawang lalake na nagsilbing ama para sa amin ng mga kapatid ko. Isang taos pusong pasasalamat. Siguro may mga bagay na hindi nyo perpektong nagawa gayunpaman naging isa kayong perpektong ama sa ibang paraan. Balang araw masusuklian din namin ang mga bagay na ginawa nyo sa amin.

Happy Father's Day sa lahat ng Ama

Wednesday, June 9, 2010

Kulay- Kulayan


Ano ang paborito mong kulay?
Ako noong bata pa lang ako pink na paborito ko,halos lahat ng gamit pang eskwela ko kulay pink. At nung tumanda na ako, nagdalaga na pala ang nagustuhan ko naman ay black. Hindi dahil sa isa akong emo ( medyo lang naman) pero hindi dahil dun. Feeling ko kasi ang linis ng black e. Syempre pag nadumihan mukha pa rin malinis dahil hindi kita yung dumi. hahaha ( korni)
Sabi nila bawat kulay daw ay may kahulugan.
Kaya si ako naman nakipag meet kay google at aking tiningnan ang mga kahulugan.
Tingnan mo ang kahulugan ng sayo.

Cool Colors

  • Blue- strong, important,peaceful, intelligent.
  • Green- growth, health, environment, harmony.
  • Red- love,passion,heat, joy, power.
  • Pink- sweet, nice, romance, playful, delicate. ( pretty)
  • Yellow- happy, joy, cheerful, remembrance.
  • Gold- riches, extravagance, bright, traditional.
  • Orange- energy, warmth change, health.

Mixed and Warm colors

  • Purple- royal, precious, romantic, sacred.
  • Lavender- grace,elegance, delicate, feminine.
  • Turquoise- feminine,sophisticated, retro.
  • Beige- conservative, relaxing.

Neutral colors

  • Black- conservative, mysterious, sophisticated. (pretty)
  • Gray- formal, conservative, sophisticated.
  • Silver- sleeks, glamorous, rich.
  • White- purity,innocence, softness
  • Ivory- quiet,pleasant, understated elegance.
  • Brown- earthiness, wholesomeness, simplicity, friendliness.

Naniniwala ako sa mga kahulugan ah, lalo na yung akin.^_^

Kayo ba swakto ba sa inyo ang kahulugan ng inyong kulay?

Tandaan, hindi porke't iyon na ang paborito mong kulay ay ito na rin ang bagay sayo sa lahat ng pagkakataon. Lalo na pagdating sa pananamit hindi porket mahilig ka sa pink ay laging pink ang suot mo, na ultimo sa pakikipag date ay kikay ang suot mo.^_^

"Ang bawat kulay ay sumisimbolo sa kung ano ang iyong mood o kung ano ang ibig ipahiwatig ng isang larawan."

Tuesday, June 8, 2010

Mahal kita, Hindi kita Iiwan


Oo inaamin ko mahirap ka iwasan dahil kahit saan ako magpunta laging ikaw ang laman ng isipan ko. Sa pamamasyal hindi pwedeng wala ka dahil ikaw lang kumukumpleto kahit nag wiwindow shopping lang ako.

Minsan nasasaktan ako sa sinasabi nila tungkol sa akin at ikaw ang sinisisi gayunpaman hindi kita iiwan. Dahil ikaw ang karamay ko kahit anong mood ko, ikaw ang isa sa mga tinuturing kong kaibigan.

Masyado kayong seryoso, si pagkain yung tinutukoy ko. Nagdadrama lang ako kasi tumataba na ako at sigurado na madadagdagan na naman ako dahil malapit na magpasukan. Lutuan portion na naman. Pero ok lang yun, kahit tumataba na cute pa naman!! whahahahaha!! walang magwewelga! ^_^

Friday, June 4, 2010

Ang Nalalapit na Pagtatapos ng Bakasyon ni Dark


WOhoo !! Tapos na ang summer vacation!! At malapit na magbalik eskwela.

Balik pag rereview na naman para sa mga exam at recitation. Paggawa ng project at report at ang muling pag aaral ng pag luluto kung saan muli na naman ako lolobo.

Feeling ko lutang ako na hindi ko alam, nangangati ang mga kamay ko at gusto mag post sa aking bahay kaya heto ilalagay ko kung ano ano ang mga pinag gagawa ko at nangyari nung bakasyon.

* Sa unang linggo ng bakasyon nagpahinga ako at nangarap na lang dahil sa pagod ko sa finals namin. (rest week kumbaga)
*May nag alok sa akin ng trabaho ( dancer daw) joke lang! kaso kinabukasan need ko na pumasok, ok na sana kaso wala pa ako requirements kaya hayun hindi rin natuloy.Tinapay na sana naging bato pa.
* Naging magulo ako dito sa aking bahay, mapapagod ang mata ng nagbabasa dahil sa hahaba ng entry ko at araw araw na pagpopost.
* Naisipan ko na maghanap ng work sa labas kaso umuwi din akong luhaan.
* Dahil sa sobrang init nakisabit ako sa mga mag swimming kaya naka dalawang swimming ako
* Nag li-low ako sa pag ba blog dahil..
* Naging tita yaya na ako
* Namatay yung lola namin at sa burol nya nakita ko na yung kaibigan kong matagal ko nang hinahanap plus nagtext sa akin yung classmate ko nung elem. natagpuan na nya daw yung iba namin kabarkada nung elem. na matagal ko na din gusto makita.
* Nagpunta ako sa school para kunin ang classcard at magpa enrol at isang magandang balita dahil naka kuha ako ng academic scholarship. Naka discount ba, hindi naman ganon kalaki pero makakatulong na din sya pambawas sa tuition ko.
* Sumunod naghahanda na kami sa pagdating ng kuya ko galing Oman
* Kaya bago pa man sya dumating nagpa hair spa ako at nagpagupit
* At nung dumating sya syempre halungkat ako ng pasalubong nya sa akin at tsaran! (isang laptop) ^_^
* Pagkatapos nun muli nag swimming kami. kaya naka 3 akong swimming. Kahit naglalakad lang ako sa pool panay pa rin sama ko sa swimming.
* At para sa nalalapit na pagtatapos ng bakasyon bukas mag enchanted kami. (sama kayo!) ^_^


At yan po ang nangyari sa aking bakasyon talagang puro pasarap.hehehe. Pero next na summer sana hindi na ganito dahil gusto ko nasa work naman ako. Gusto ko mag ojt sa Manila para maiba naman ako ng lugar at gusto ko matuloy ang business na pinapangarap ko.Busy busyhan mode ka na plus may pera ka pa.o diba mas masaya yun.

Tuesday, June 1, 2010

New Hair, New Look!!

Wala ng dramahan pa at kung anong chuvaek ek. Heto na po yung new hair style ko.




Pasensya na kung medyo malabo ah, kita pa naman diba?hehe
At pagpasensyahan nyo na rin po ang aking nag aartehang pose. Close kasi kami ni cam. kaya ganyan katapang ang hiya ko sa kanya.





Iyan na po ang gumegewang gewang kong bangs..
Nais ko nga pa lang magpasalamat kay @Yunnie para sa cute na cute na smiley dyan, headband at mata kong nagniningning.





Saturday, May 29, 2010

This is my first time!!!


Tama ang inyong nabasa, first time ko to. First time na ako'y
maambunan at nabasa sa isang salon. First time na madampian ng nagmamasaheng kamay ang aking buhok sa ulo.



Sa maniwala kayo o sa hindi natural na natural ang buhok ko, walang bahid ng pagpapa rebond o kahit ano pa man. In short tagtuyot yung buhok ko ang dating ay parang hinangin lang sa labas. Summer na summer!!


Noon ko pa gustong magpaganda ng hair, kaso pag naiisip ko yun wala ako pera at kapag naman may pera ako nanghihinayang ako kasi ang mahal mahal. Maraming pagkain din ako mabibili sa pampaayos na yun. At nung isang araw nga kahit papaano nakainom din ng tubig ang buhok ko, nagpa hair spa ako. Ang sarap sa pakiramdam, sabi nung nag aayos sakin maganda daw kung magpa rebond ako mas gaganda daw hair ko. At talagang gaganda nga kasi ang ganda din ng price nasa P1500. Oo mura sya sa may pera pero sa ngayon wala ako nun, saka na lang muna yun. Masaya na ako sa hairspa muna, dadating din tayo sa pagpapa rebond.


At hindi lang yun, bukod sa ako'y nagpa hair spa ako'y bagong gupit din. May bangs ang lola mo!! kung hindi ako nagkakamali ang tawag sa gupit ko ay japanese haircut. wala ako alam sa iba't ibang klaseng gupit kaya pinaubaya ko na kay ate yung style na gagawin nya sa hair ko. At ang kinalabasan syempre kamukha ko pa rin.hehehe.ayos naman. ^_^



At iyan po ang kwentong first time ko. Kung maghahanap ka ng moral lesson dyan e mabuti pang matulog ka na kasi wala kang mahahanap...


Ang masasabi ko lang,nakukuha sa pag iipon ang pagkamit sa gusto mong makuha. Sensya na sa mala balon kong sinabi antok lang e.kailangan ko na magpa hinga. ^_^ babush!!!


Sana wag kayo magsawang magpunta dito sa aking bahay..

Friday, May 21, 2010

Tita Yaya


Ako'y nagbakasyon dito sa aking blog dahil naging isa akong tita yaya sa aking 8 years old na babaeng pamangkin. Wala dito ang aking kapatid na mommy naman nya kaya ako ang nag aalaga sa kanya ngayong bakasyon.


Sa pag aalaga ko masasabi kong Masaya at mahirap din.

Masaya kasi ang sarap ng feeling na may alaga kang bata, aayusan mo, papakainin,papaliguan, at patutulugin mo parang manika lang. Mahirap naman kapag tinopak sya. Napakatampuhin ng pamangkin ko. Makita lang nya na kayakap ko tito nya (bunso kong kapatid). sasabihin bakit daw sya hindi yinayakap. Sa kakulitan nya minsan napagsasabihan ko na din sya at ang gagawin nun didilaan ako at sasabihin hindi daw sya tatabi sa akin sa pagtulog. Pero wag ka dahil pagdating ng gabi, hinihintay akong umakyat sa taas. Matutulog na daw kami. e di bati na! hay naku batang yun talaga.


O pano hanggang dito na lang muna. Oo ako talaga to, nanibago kayo dahil maikli pa lang?hehe.next time na yung mahabang post. Nagparamdam lang ako na ako'y humihinga pa naman dito.^_^

Babush!!

Saturday, May 8, 2010

My sister My friend My mom

Sa simula ng pag aaral ko ikaw ang nagtyagang magturo sa akin hanggang gabi kahit na hindi ko matatasan ang "potato at tomato" sa halip na bigkasin ko ito ng "poteyto at tomeyto pinapantig ko ito ng "po-ta-to at to-ma-to". Salamat kasi ngayon alam ko na kung paano ito basahin.

Salamat sa matyagang pagbabantay sa akin at pag suporta sa mga sinasalihan kong sayawan sa eskwelahan. Salamat din sa pagbili mo ng manikang gustong gusto ko at sa tamagochi na araw araw ko iniiyak sayo noon. Salamat dahil naniniwala ka sa kakayahan na meron ako.At kahit na may pagkakataong binabawalan mo ako sa pag alis/paglalakwatsa hindi mo naman ako binawalan kung paano tumayo sa sariling paa. Nung time na nagkaroon ako ng trabaho hinayaan mo akong humawak at mag manage ng sarili kong sweldo at dahil dun natutunan ko kung paano i budget ng tama ang pera. Salamat dahil naging mahigpit ka noon na mag boyfriend ako, ngayon naiintindihan ko na kung bakit. Salamat dahil kahit hindi natatawa mga kapatid ko sa joke ko at kapag sinabi kong nag jojoke ako tumatawa ka. Salamat sa pag utang mo sa 5-6 para lang may maibayad ako sa tuition ko.

At patawad naman sa lahat ng bagay na nagawa ko. Nung panahong magulo ang pamilya natin at naghiwalay kayo ni daddy sobrang sama ng loob ko sayo dahil hindi mo sya mapatawad kahit humihingi sya ng sorry. Naisipan ko pa ngang maglayas noon kaso hindi rin natuloy dahil naisip ko na baka mahirapan ka na hanapin ako.Patawad din sa katigasan ng ulo ko.At sa pagsama ko sayo sa pag grogrocery kahit ayaw mo ako isama dahil nadadagdagan yung pinamimili mo.



Hindi tayo isang mayaman na pamilya pero pinagyaman mo ang pamilyang ito sa pagmamahal, kinaya mong harapin ang problema. Naging matatag ka hindi mo pinakita sa amin na mahina ka. Nagpapasalamat ako kay God dahil sayo nya ako binigay. Dahil sayo nagkaroon din ako ng mga mapagmahal na kapatid. At alam kong sila man nagpapasalamat dahil kung hindi dahil sayo hindi nila matatamo ang natamo nila ngayon.


Ikaw ang lakas namin para maging matagumpay. Ikaw ang pangarap namin kaya nagsisikap kaming magkakapatid. Gusto namin na maibigay ang mga pangangailangan mo.


Ikaw ang natatanging Ina para sa amin. Ikaw na nagsasabing ako ang pinaka maganda sa aming magkakapatid kahit kontrang kontra sila.







Ma, Happy Mother's Day!!!
I Love You always... ^_^

Wednesday, May 5, 2010

Take Me Out


Dati pumatok sa atin ang American Idol kaya nagkaroon din ng Pinoy Idol sa atin. Pagkatapos pumatok din sa atin ang Survivor kaya nagkaroon din tayo ng ganoong palabas dito sa Pilipinas at ngayon mainit init pa ang Pilipinas Got Talent kung saan iba't ibang talento ng mga Pilipino ang ipinapakita. At ngayon kakaiba at panibagong show na naman ang bumuluga sa atin.Nagkaroon na nito sa Australia, Denmark, The Netherlands, Sweden, Spain at UK. At ngayon meron na rin sa ating bansa. Ito ay ang "Take Me Out" na ang host ay ang Prince of RnB na si Jay-R.


Mechanics ng game na ito ay may isang guy na may 3 chance para mapa impress ang 30 single ladies. Kapag hindi nagustuhan ng girl ang pagpapa impress ni guy pwede nya i off yung lights at sa huli pipili na yung guy kung sino yung pinaka gusto nya sa mga single ladies na naka turn on ang lights. After that sila na yung pair na pwedeng mag date.


Kita nyo bumobongga na ang paghahanap ng ka date. Para sa mga lalakeng sasali dun palagay ko kailangan yung astig ka talaga, yung gwapo. Kasi nung manood ako dun hindi basta basta lalake lang yung hinahanap ng ibang girl dun. Gusto nila yung maangas ang dating, yun tipong may kakaiba kang talento na mapapa wow sila, at kung hindi ka ganoon malamang lamang e ma turn off sila. Naisip ko nga nun e kung lumulunok kaya ng apoy yung guy na yun mapa wow pa rin sila? At para naman sa mga babae dun kailangan din yung may pang beauty queen na itsura ka o kaya yung cute yun tipong malakas ang dating dahil kung wala ka nun tiyak na hindi ka pipiliin ng bachelor na nandun. Dahil nung nagtanong yung bachelor sa dalawang single ladies na natitira. Yung isang maganda hindi maganda yung sagot para sa akin waley sya. Tapos yung isa naman na hindi kagandahan, maganda ang sagot. Bago makapili yung guy sabi ko sa sarili ko. Tiyak nyan yung maganda pipiliin nya at hindi nga ako nagkamali mas pinili nya yung maganda na waley lang ang sagot.


Sa opinyon ko, maganda naman yung show na yun kasi nakakaaliw kaya lang pati ba yung paghahanap ng ka date ay gawin ding show? Diba diskarte na ng lalake kung paano makakahanap ng babaeng i dadate. Kung sabagay nasa anong panahon na ba ako? Malay nyo pati pag aasawa maging isang game show na rin. Ginagalang ko opinyon ninyong lahat. Basta ingat ingat na lang. Ang pakikipag date naman ay isang paraan para makilala ang isang tao. ^_^

Friday, April 30, 2010

Isa sa Paborito kong Buwan

Ola!!! Kamusta naman kayo dyan? Kung gaano ako kasipag noon mag post dito sa aking blog kabaligtaran naman ng ngayon. Yaya kasi ang lola nyo ngayon sa kanyang pamangkin kaya ako'y madalang magparamdam.



At dahil May ngayon alam nyo ba na isa ito sa paborito kong buwan lalo na nung ako'y bata pa. Bakit? Sige nga manghula kayo...








Alam mo na ba? Ano ba ang meron kapag May? Bukod sa mga kainan dahil fiesta? Syempre nandyan din yung "sagala time".


Isang beses lang ako nasagala. At dahil unang beses ko yun sobrang saya ko. Talagang todo effort sila para sa araw na yun.Yung mga kapatid ko busy sa pag aayos sasakyan ko. Halos magmuka ng garden yung sasakyan ko dahil sa dami ng bulaklak. Yung mommy ko naman pinaparlor pa nya ako. At habang inaayusan ako ang sabi sakin nung nag aayos kamuka ko daw si Rosenda. Nung mga panahong yun uso yung teledrama ni Claudine Barreto na tatlo ang mukha nya. Yung mabait dun Rose yata name tapos yung isa si Rosemarie at yung maldita naman si Rosenda.



Heto ang picture ko. Grade two ako nyan.

Habang umaandar yung sasakyan takot na takot ako kasi baka mahulog ako kaya hindi ako makangiti noon. Nung matapos ang parada nun lang ako nakangiti. At iyon na din ang una't huling sagalang naranasan ko. Kaya pala bonggang bongga yung sagala ko ay dahil wala na palang kasunod. Kahit nung lumaki ako hindi man lang ako nanominate maging isang Reyna ELena. (taas ng pangarap) hehehe. At tuwing sasapit ang buwan ng May lagi ako nag hihintay na may kumuha sa akin para isagala. Pero ngayon hindi na, mag 20 na ako. Sa palagay nyo hindi na ako nadala?hehehe.







Moral lesson?

I enjoy mo yung mga bagay na nangyayari sayo ngayon kasi hindi mo alam kung hanggang kelan yan. At least kung matapos man yan hindi ka manghihinayang na ini enjoy mo. ^_^
Add Image

Saturday, April 24, 2010

Nag Miming na ako!!! Yehey!!!!


Wala ng palipaliwanag pa...gora na!!! heto na ang ilan sa mga piktyur namin kagabi sa swimming namin sa Amana Water Park sa Pandi, Bulacan. Swerteng isinama ako ni ate sa swimming nila ng mga ka opismeyt nia .

Sa bahay ito ni Shrek...Inaabangan ko si SHrek baka dumating e.hehehe

Kasama ko mag piktyur piktyur ang secretary ni ate...


Heto pa...hindi kami mahilig sa piktyur noh!!

Parang pila sa Binibining Pilipinas...hihihihi

Kami ni ate ko!!! Ganda ng view!!!

Mr. Pogi and Ms. Ganda!!! ( walang pakielaman..)hehehe

Cast ng Dragon Ball Z..

Darna!!!!! sino ang mas mukhang Darna? Galit galit na pag mali ang sagot! hihihi

My prince charming!! Ikaw ba yan??

Kaya ko din pose mo noh!!! ^_^




Hindi ako mahilig sa piktyur diba? Actually marami pa nga yan e, ilan lang yan sa mga pose ko.hehehe. Hindi naman masyadong halata na nag enjoy ako sa pagpapa piktyur diba? kaya nga nakita nyo na ang beauty ko. ( ang hangin!!) ^_^


At kung napapansin nyo wala ako masyadong kuha sa pool. E kasi nakatayo lang naman ako sa pool hindi ako marunong lumangoy, lumakad oo.


Hanggang dito na lang, shinare ko lang ang inabangan kong swimming!!! Akala ko nga lilipas na ang bakasyon na hindi man lang ako malulublob sa pool!! hehehe.. ^_^

Monday, April 19, 2010

Suntukan Tayo oh!!


Palaaway ka ba?


Peace! Tinatanong ko lang naman e. Masyado kang high!

Kanina habang wala ako magawa naisip ko halungkatin ang isip ko kung may nakaraan ako na naging boksingero ako o palaaway. Pero wala naman masyado. Hindi kasi ako mahilig sa away. Behave lang ako nung bata ako.


Nung grade 1 ako bukod sa natae ako sa school may isa pang nangyari sa akin na hindi ko makakalimutan kinurot ko lang ng sobrang nipis sa braso yung klasmeyt kong lalake. Kaya hayun ngumawa sya dahil lapnos ang braso nya na inaalagaan ng nanay nya. Sukat ba namang tusok tusukin din ako ng lapis kaya nainis ako yan tuloy napala nya.

At nung grade 6 naman ako sinampal ko ng ubod ng lakas yung klasmeyt kong lalake. Dahil masyadong madaldal, kung ano ano sinasabi sakin e hayun napuno ako. Kaya tumayo ako para bumwelo at saka ko sya sinampal ng ubod ng lakas. Kaya natulala sya pati mga klasmeyt kong nagkkwentuhan. After nun saka lang ako natauhan buti na lang wala dun yung teacher namin. Kundi baka guidance ang bagsak ko.

Yung dalawa lang naman na yun ang natatandaan kong masamang ginawa ko sa klasmeyt ko. Masyado lang akong napuno kaya naranasan nila na maging dragon ako. Hindi naman kasi talaga ako palaaway. Ang totoo nga nyan ayoko ng away, pero ang away ang lumalapit sa akin.


Grade 5 naman ako nung bigla akong sugurin ng magbabarkadang babae na grade 6. Sila ang kilalang siga sa eskwelahan namin kaya natakot talaga ako nung lumapit sila sa akin. Akala ko kung ano gagawin sakin pagkatapos biglang sinabi na " kausapin mo yung isa namin kaibigan, kasi akala nya nililigawan ka ng bf nya." Napa "hah?!!" ako hindi ko kasi talaga alam kung ano gagawin ko. Masyado akong nabigla sa sinabi nya. Kaya kahit hindi dapat e nagpaliwanag ako dun sa babae. At sinabing hindi ako nililigawan ng bf nya, hinarang lang ako nung dumaan ako dahil nanloloko pero wala yun.

At nung Grade 6 din nag away yung dalawa kong klasmeyt na babae. Sa pagkakatanda ko ako yung kaaway ng isa tapos pinag tanggol lang ako nung kaibigan ko at dahil sa sobrang tapang nya ayun sila na ang nag away. Hindi ko matandaan yung pinag awayan nila e.

At ang pinaka huli, sa text naman. Yung klasmeyt ko nung highschool nanliligaw sakin. Pinadalhan nya ako ng load tapos binalik ko sa kanya. Dahil ayaw ko naman sa kanya. Tapos maya maya bigla may nagtext gf daw sya nun. Pero pakiramdam ko hindi yun ang gf nya, pakiramdam ko yung klasmeyt ko lang din na yun. Maraming sinabi sa text at dahil umusok na ako sa galit nireplyan ko na at pinaniwala ko na lang ang sarili ko na gf nga nya yun talaga" Wala akong gusto sa bf mo, sayo na sya kung gusto mo. At huwag mo sya pakawalan, itali mo pa." Yun ang sinabi ko dahil sa inis na ako. At pagkatapos nun wala na akong text na natanggap.



Hay kakaloka noh! Minsan talaga kahit lumayo ka lalapit at lalapit sayo ang away. Ako hangga't maaari umiiwas ako na makipag away dahil hindi maganda e. Parang ako din ang masisira sa ginagawa ko pero kapag sobra na yung ginagawa at napuno na ako. Ay naku gora na!!





P.S
Hindi pa naman ako na guidance sa mga ginawa kong yun.^_^

Tuesday, April 13, 2010

Can you be my Textmate?


April 12,2010, Monday morning may isang pagkalakas lakas na ring ng phone ang gumising sa akin. At sa akin pala yun. May tumatawag at hindi ko alam kung sino dahil number lang nakalagay, naisip ko baka work yun. Dahil posibleng mga kaibigan ko tumawag sakin dahil hanggang miskol lang yung mga yun. May sakit sila kapag tinawagan ako. At nung sagutin ko ang tawag...

Ako: Hello
Kausap ko: Hellu
( Boses ng lalake)
Ako: Sino to?
Kausap ko: Kilala mo si giselle?
Ako: Giselle? hmmm..hindi.. ( sagot kong hindi man lang nag isip, pano ba naman tulog pa isip ko.)
Kausap ko: Yung klasmeyt mo, hindi mo kilala?
Ako: Giselle..giselle...ahh..oo naalala ko na..( tagal gumana ng isip ko)
Kausap ko: Kuya nya ako. Naiwan nya kasi yung sim nya kaya nalaman ko number mo.
Ako: Ahh.. e ano nangyari sa kanya? kamusta na si giselle?
Kausap ko: Nag-asawa na yata.
Ako: huh? nag asawa?
Kausap: Oo, nga pala lady name mo diba? Ano surname mo?
Ako: Garcia
Kausap: Ako nga pala si....( hindi ko kasi maintindihan yung name nya kaya nakalimutan ko kaagad.)
Kausap ko: Ilan taon ka na?
Ako: 19
Kausap ko: Ako 21..
( sa isip ko, ok hindi ko naman tinatanong.hehehe. taray!)
Kausap ko: Taga saan ka?
( Naisip ko, iba na to ah..parang tuluyan na akong nagising. Nabubuhay na naman ang dugo kong taray queen.)
Ako: Iba na yan kuya ah..dyan lang sa tabi-tabi..
Kausap ko: Sige nga, ano nga? Ako meycauyan. Nga pala 5 mins. lang tong tawag ko ah. Wala na kasi ako load, pwede ba makipag textmate? Mag load ka para text text tayo
Ako: Hindi e, hindi ako nakikipag textmate saka hindi na ako nag lolowd.
Kausap ko: Hehehe..baka masira cellphone mo nyan hindi ka nag lolowd.
Ako: Ayos lang na masira. (seryoso)
Kausap ko: Ahh..hehe bakit ka natatawa?
Ako: Ako tumatawa? hindi kaya..( heller! seryoso ko tapos naririnig nya ako tumatawa? may mumu ba syang naririnig?)
Kausap ko: Nga pala baka minsan gusto mong makipag kita sa akin, kita lang naman wala naman masama e.
Ako: Ayoko. Hindi ako nakikipagkita ( sa loob loob ko "natatakot ako sayo")
Kausap ko: Sige ka, kaw din. bahala ka.
( Napataas kilay ako, aba loko to parang nanakot pa na baka ako manghinayang)
Kausap ko: Ang cute ng boses mo, siguro cute ka din.
Ako: Hindi ( maganda lang! weeeh!! hahaha.joke! hindi ko sinabi yun noh. nag hindi lang ako.)
Kausap ko: Baka may boyfriend ka at magalit sya. pero friend lang naman e.
Ako: Oo may bf nga ako ( at pumapatay yun! sarap mamilosopo noh? kaya lang baka pag sinabi ko yun e akalain type ko sya kausap)
Papatayin ko na sana yung cellphone at magkukunwaring bigla lang namatay pero wala pang 5 mins. namatay na.Hays sa wakas salamat!
Maya maya'y may nag text! Sya ulit, wala na daw sya load.
At dun na po nagtatapos ang lab story namin. nyaks! hehehe..


Uso pa rin ang textmate now kahit pwede naman na makipag chat na lang noh? At sa maniwala kayo o sa hindi e hindi ako nakikipag textmate. Kasi ayoko! tamad akong mag text, may sakit akong katamaran. Nung dating dati pa, unang pasok ko sa college nahilig ako sa pakikipag text. And yung mag mimit. Pero kapag nakipag mit ako kasama ko buong barangay. Kasama ko mga friendship ko kasi natatakot ako na baka makidnap ako o watever. Siguro nasa 3 lang yung na mit ko. At kung makipag meet naman ako hindi tumatagal ng 30 mins. o diba super sandali parang dumaan lang at nag hi. At pagkatapos nun wala na, tinamad na ako magtext. As in super tinamad na. Kaya napapagalitan ako ng mga friendship ko na hindi ako marunong mag text sinasabihan din nila ako ng " kuripot at masisira din cp mo" o diba ang babait nila. Kaya mahal na mahal ko sila e at kapag nag text ako " hoy" ang bungad ko.

Hindi man ako madalas magtext sa kanila for sure naman na kapag mahalaga ang tinext nila at need nila ako e kaagad agad ako mag rereply. Kumbaga sine' save ko yung load ko para sa mahahalagang text lang. At kapag namiss ko na sila saka ko sila itetext.


Alam nyo nakakaloka ang pakikipag textmate na yan dahil dyan ang daming nangyayari sa atin at ang daming naiinlababo. Madalas ako maka receive noon ng can you be my textmate at dahil sa hindi ko nirereplayan malamang nag sawa na sila. May ilan naman na pang suyo yung padadalan ka ng load. Pero after ng ilang minuto babalik din sa kanila. Sabi ng ilan, kapag binigyan ka ng load wag mo naibalik kung ayaw mo itext e di wag mo itext. Para sa akin ayoko nun ( oo mataas ang pride ko! Pride kasi gamit namin sa paglalaba). Ayoko nung may isumbat silang lowd sa akin, sabihin binigyan kita tapos hindi ka mag rereply ang labas ako pa magiging masama. diba diba? Gusto ko ng katahimikan sa buhay ko.

Kahit papano naiintindihan ko naman ang ilan kung bakit nila like makipag textmate. Kasi kapag may kausap ka nalilibang ka at minsan nakakalimot ka din sa problema mo. Pero minsan hindi rin solusyon ang textmate sa lahat. Minsan nakakasama din to. Pero syempre nasa pag- iingat mo na lang din ito. Kaya para sa mga nakikipag textmate ingat na lang. ^_^

Nga pala sa pagkakaalam ko may entry din si kuya drake about sa textmate. Heto yun oh..


Bayad to!! bayad to kuya drake ah..hehehehe